Apple iPhone 13 სერია: გამოსვლის თარიღი, ტექნიკური მახასიათებლები და ფასები

Apple-ი ტრადიციულად სექტემბერში გვთავაზობს თავის ახალ ფლაგმანურ სმარტფონებს. იყო ჭორები, რომ წელს ანონსის თარიღი რამდენიმე თვით გადაიდებოდა, თუმცა Apple-მა თარიღის გადადება არ დაადასტურა და კვლავ სექტემბერში ვიხილავთ ყველასთვის სასურველ და წლის ყველაზე მნიშვნელოვან სმარტფონებს. ინსაიდერების თქმით ღონისძიება 24 სექტემბერს გაიმართება.

ჯერჯერობით უცნობია რა სახელით წარსდგება ჩვენს წინაშე Apple-ის ახალი სმარტფონები, რადგან “13” რიცხვი არ უნდა იყოს მომგებიანი ნებისმიერი ბრენდისთვის. შესაბამისად ახალ სმარტფონებს შესაძლოა iPhone 12s ან iPhone 14 დაერქვას. პირობითად მას iPhone 13-ის სერიას ვუწოდებთ.

iPhone 13 სერიის ოთხ წარმომადგენელს ვიხილავთ, წინამორბედების მსგავსად 5.4, 6.1, 6.1 და 6.7 დიუმის ზომის ეკრანებით. თუმცა ამბობენ რომ iPhone 13 Mini-ს ვარიანტი გაუქმდება და ვიხილავთ სამ მოდელს. მათი ფასები ტრადიციულად წინა ვერსიის მსგავსი იქნება ეღირება “699,799,899,1099” ამერიკული დოლარი/ევრო.

წინა პანელზე კვლავ იქნება კამერის, დინამიკის და თვალის ბიომეტრიული სკანერის ჭრილი, თუმცა ზომაში უფრო პატარა იქნება. შესაბამისად წელს Apple-ი მნიშვნელოვან ცვლილებებს არ გვპირდება. მომავალი წლისთვის აქვს შემონახული სიახლეები, რომელიც გულისხმობს მხოლოდ კამერის ჭრილის დატოვებას(Galaxy S21 სერიის მსგავსად) ამოღებული იქნება თავლის და სახის ბიომეტრიული სკანერი, თუმცა დაბრუნდება თითის ანაბეჭდის ბიომეტრიული სკანერი, რომელიც ეკრანში იქნება ჩაშენებული.

ჩიფსეტების მწარმოებელმა კომპანია TSMC-იმ გაავრცელა ინფორმაცია, რომ iPhone 13 სერიისთვის Apple-მა უკვე შეუკვეთა და ამზადებს A15 Bionic ჩიფსეტს, რომელიც კვლავ 5 ნანომეტრიანი არქიტექტურით იქნება შექმნილი. აქაც არ ველოდებით ტექნოლოგიურად მნიშვნელოვან სიახლეს, თუმცა გაიზრდება სიმძლავრე. ინფორმაციისთვის გეტყვით, რომ კონკურენტ Qualcomm-ს უკვე შექმნილი აქვს 4 ნანომეტრიანი არქიტექტურით ფლაგმანური ჩიფსეტი და მას დეკემბერში ვიხილავთ. გასული წლის მოვლენები რომ განვიხილოთ, 5 ნანომეტრიანი ჩიფსეტი პირველად Apple-ს ჰქონდა. მომავალ წლისთვის უნდა ვივარაუდოთ, რომ გამოტოვებს 4 ნანომეტრიანი ჩიფსეტის წარმოებას და პირდაპირ 3 ნანომეტრიან ჩიფსეტებს წარმოგვიდგენს.

iPhone 13 სერიის კორპუსის სისქე გაიზრდება, რადგან ბატარიის მოცულობასაც გაზრდილს ვიხილავთ. მაგალითისთვის iPhone 12 Pro Max-ის ბატარიის მოცულობა მხოლოდ 3687 მილიამპერს შეადგენს, ხოლო iPhone 13 Pro Max-ის ბატარიის მოცულობა 4352 მილიამპერიანი იქნება. შეგახსენებთ, რომ iPhone 12 Pro Max-ს ბატარიის მოცულობა ნამდვილად არის ყველაზე სუსტი კონკურენტებთან შედარებით, მაგრამ ოპტიმიზაციის ხარჯზე მაინც საუკეთესო შედეგებს გვაძლევს. სწრაფი დამუხტვის ტექნოლოგიიას რაც შეეხება, 20 ვატი სიმძლავრიდან გაიზრდება 25 ვატამდე. რაც საკმაოდ მისაღებია, თუმცა კონკურენტები უკვე 60-იდან 100 ვატამდე დამუხტვის სიმძლავრეს გვთავაზობენ(სწრაფ დამუხტვას აქვს თავისი უპირატესობაც და უარყოფითიც. იტენება სწრაფად, მაგრამ მის სიცოცხლისუნარიანობაზე ცუდად აისახება).

სამწუხაროდ დამტენი პორტი კვლავ Lightning-ი იქნება და არა Type-C. არ აწყობს Apple-ს Type-C პორტის გამოყენება თავის სმარტფონებში, თუმცა რადგან ლეპტოპებში დაწყებული აქვს, სავარაუდოდ მომავალ წელს უნდა ჰქონდეს სმარტფონებშიც. თუ მაინც გაჯიუტდება Apple-ი, ევროკავშირის სტანდარტები და რეგულაციები დაავალდებულებს ევროპის ფარგლებში მაინც ჰქონდეს Type-C პორტი.

iPhone 13 Pro სერიაში მნიშვნელოვანი სიახლეები იქნება. ვიხილავთ LTPO პანელს, რომელიც სმარტფონების ინდუსტრიაში საუკეთესო ტექნოლოგიაა და ნაკლებ ენერგიას მოიხმას, თუმცა ასეევე გვექნება 120 ჰერცი სიხშირეც, რაც LTPO პანელის უპირატესობებს გააბათილებს. საერთო ჯამში მომხმარებელი მიიღებს საუკეთესო ტექნოლოგიებს, რომელიც ბატარიის შესუსტების ხარჯზე არ აისახება. პირიქით, შესაძლოა ბატარეამ ბევრად უკეთესი შედეგი მოგცეს, თუ გავიხსენებთ იმ ფაქტსაც, რომ ბატარიის მოცულობა მნიშვნელოვნად გაიზრდება.

ერთ-ერთი ყველაზე მთავარი დეტალი სმარტფონების აგებულებაში კამერებია. აქ უკვე შევხდებით რამდენიმე ცვლილებებს. მაგალითად ულტრა-ფართო კამერის ლინზები 5 ელემენტის ნაცვლად 6 ელემენტია იქნება, გაიზრდება დიაფრაგმის ზომაც და F2.4 დიაფრაგმის ნაცვლად F1.8 დიაფრაგმა იქნება წარმოდგენილი, შედეგად მივიღებთ ბევრად ხარისხიან და ნათელ გამოსახულებას. მთავარი კამერა კვლავ 12 მეგაპიქსელიანი იქნება, თუმცა გაიზრდება დიაფრაგმის ზომა და F1.6 დიაფრაგმის ნაცვლად F1.5 იქნება შემოთავაზებული. რადგან ყველა კამერის ლინზების ზომა იზრდება და ემატება სტაბილიზაცია, კამერის საერთო მოდულიც ზომაში გაზრდილი იქნება.

სხვა მახასიათებლებიდან აღსაღნიშნაცია ისიც, რომ ამჯერად ეკრანზე მუდმივად ჩართული შეტყობინებების პანელი და საათი გვექნება. 1 ტერაბაიტიანი მოცულობის მეხსიერება, 5G ჩიპი და WiFi 6E.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *