Samsung-მა ახალი საკეცი სმარტფონები Galaxy Fold 3 და Flip 3 გამოუშვა

Samsung-მა 11 აგვისტოს ღონისძიებაზე თავისი ახალი საკეცი ფლანგანური სმარტფონები Galaxy Fold 3 და Galaxy Flip 3 გამოუშვა. კარგი ამბავი არის ის, რომ Galaxy Gold 3-ს სტილუსის მხარდაჭერა აქვს და ჩაანაცვლებს Note სერიას.

Fold 3-ის შემადგენლობაშია 7.6 დიუმიანი 120 ჰერცი სიხშირის Dynamic AMOLED 2X ეკრანი, რომელშიც გვხდება ეკრანში დამალული 4 მეგაპიქსელიანი კამერა 2.0 მიკრონის ზომის პიქსელებით(დიდი ზომის პიქსელები უკეთეს გამოსახულებას მოგვცემს გადაღების დროს). გარდა საკეცი ეკრანის და მასში ჩაშენებული კამერისა. დაკეცილ მდგომარეობაში წინა პანელზე გვაქვს მეორე 6.2 დიუმიანი არაკეცვადი ეკრანი, სადაც გვხდება 10 მეგაპიქსელიანი წინა კამერა.

სმარტფონის შემადგენლობაში ასევე გვხდება სამმაგი 12 მეგაპიქსელიანი კამერა ფართო/ულტრა-ფართო/ტელეფოტო ლინზებით, Snapdragon 888-ის ჩიფსეტი, 12 გიგაბაიტიანი ოპერატიული მეხსიერება, 256/512 გიგაბაიტი შესანახი მეხსიერება, 4400 მილიამპერიანი ბატარეა 25 ვატი სიმძლავრის დამუხტვით და მსოფლიოში პირველად IPX8 წყალგამძლეობის სერთიფიკატი. სმარტფონის ფასი 1800 ევრო იქნება.

Flip 3-ის შემადგენლობაში გვხდება 6.7 დიუმიანი მთავარი კეცვადი ეკრანი, ორმაგი 12 მეგაპიქსელიანი კამერა ულტრა და ულტრა-ფართო ლინზებით, 10 მეგაპიქსელიანი წინა კამერა, Snapdragon 888-ს ჩიფსეტი, 8 გიგაბაიტი ოპერატიული მეხსიერება, 128/256 გიგაბაიტი შესანახი მეხსიერება, 3300 მილიამპერიანი ბატარეა 15 ვატი სიმძლავრის დამუხტვით და დამხმარე 1.9 დიუმიანი ეკრანი, რომელიც განთავსებულია მთავარი კამერების გვერდით. სმარტფონის ფასი 1050 ევრო იქნება.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *