რატომ “დაბანეს” და რატომ გვატყუებს Huawei(HarmonyOS & Honor)

2019 წლის მაისში ტრამპის ადმინისტრაციამ ხელი მოაწერა ე.წ. შავი სიის ბრძანებას, რომელშიც 70 ჩინური კომპანია მოხვდა და მათ შორის იყო Huawei-ც. შავ სიაში შეყვანის შემდეგ Huawei-მ დაკარგა Google-ის სერვისებთან წვდომა(Youtube, Chrome, Gmail, Gmaps, Playstore და ა.შ.), დაკარგა ARM-ს ტექნოლოგიების გამოყენების ლიცენზია(რის შემდეგაც ვეღარ აწარმოებს ჩიფსეტებს) და ამერიკულ კომპანიებთან აეკრძალა ურთიერთობა. ტრამპის ხელმოწერა ბაიდენის პერიოდში უფრო გამკაცრდა და ბაიდენის ადმინისტრაციამ განმარტა, რომ შავი სია უფრო განვრცობილი და მკაცრი იქნება. Huawei-ს 5G ტექნოლოგიებზე ასევე უარი თქვეს ბრიტანეთმა და კანადამ.

შავ სიაში შეყვანის მიზეზი ჯაშუშური ტექნოლოგიის წარმოება იყო, რაც ამერიკისთვის და ზოგადად ნებისმიერი ქვეყნისთვის წარმოადგენდა და წარმოადგენს საფრთხეს, რადგან Huawei არის სამთავრობო კომპანია(ჩინეთის მთავრობის ინვესტირებით ხდება ტექნოლოგიების წარმოება).

Huawei-მ დაკარგა Google-ის სერვისებთან წვდომა, მაგრამ Google-ის ოპერაციული სისტემის Android-ის გამოყენება კვლავ შეუძლია არაოფიციალურად(რადგან Android-ი ღია სისტემაა და ვერ აუკრძალავენ Huawei-ს გამოიყენოს ნებისმიერ ტექნიკაში), თუმცა Google-ის სერვისების გარეშე. Huawei-ს სმარტფონებზე იყო მცდელობები Google-ის სერვისების არაოფიციალურად გაშვების, თუმცა მუშაობდა ხარვეზებით და როგორც ცნობილია Google-მა ჩაუშვა განახლება, რის შემდეგაც არაოფიციალურად დაყენებას ვეღარ შეძლებენ.

Huawei-ს უნდა მოეძებნა ალტერნატივა როგორმე გამოსულიყო მოცემული მდგომარეობიდან და მოიფიქრა საკუთარი ქვე-ბრენდის Honor-ის ე.წ. გაყიდვა, რომ აკრძალვების გვერდის ავლით შეძლებოდა გამოეყენებინა Google-ის სერვისები და კვლავ ძველებურად გაეგრძელებინა მოღვაწეობა სმარტფონების სამყაროში. Huawei-ის ჩანაფიქრი კრახს განიცდის, რადგან ბაიდენის ადმინისტრაცია მალევე გაერკვია სიტუაციაში, ახლა უკვე Honor-ის შავ სიაში შეყვანის საკითხი განიხილება. Huawei-მ სცადა ამერიკის მოტყუება, მაგრამ არ გამოუვიდა. ახლა ვნახოთ როგორ ატყუებს მომხმარებელს და თავის გულშემატკივრებს!

ამერიკის მთავრობის გადაწყვეტილებების შემდეგ Huawei-მ ადგა და დაანონსა, რომ მრავალი წელი მუშაობდნენ საკუთარ ოპერაციულ სისტემაზე(მართლაც მრავალი წელი ვრცელდებოდა ინფორმაციები), რამდენიმე თვეში Huawei-მ ღონისძიებაზე კონცეფციურად სლაიდებით გვაჩვენა საკუთარი ოპერაციული სისტემა HarmonyOS, რომელიც “ვითომ და” მიკროკერნელის ბირთვზე იყო შექმნილი. HarmonyOS რეალურად არ წარუდგენიათ ღონისძიებაზე, უბრალოდ ერთგვარი დაშინება იყო ამერიკის მისამართით, რომ ჩინეთსაც შეეძლო საკუთარი ოპერაციული სისტემის შექმნა და ფრთხილად უნდა ყოფილიყო ამერიკა.

გამოვიდა HarmonyOS ოფიციალურად და ვიხილეთ სმარტფონებზე. კარგად გაპიარებული მიკროკერნელი და ყველაზე კარგი სისტემა HarmonyOS-ის სინამდვილეში აღმოჩნდა Android მოდიფიკაცია(დეველოპერებმა გაავრცელეს მასალები), რასაც სმარტფონების მწარმოებლები ისედაც აკეთებენ Android-ის შექმნის დღიდან. ყველა სმარტფონების ბრენდს აქვს თავისი გემოვნებით მორგებული Android-ის მოდიფიკაცია(მაგ: Samsung-ს აქვს OneUI, OnePlus აქვს OxygenOS, Xiaomi-ს MIUI და ა.შ.). Huawei-ს HarmonyOS-მდე Android-ის მოდიფიკაცია ჰქონდა EMUI, ხოლო HarmonyOS-ში სახელის გარდა არაფერი შეცვლილა. აღსაღნიშნავია ისიც, რომ Huawei ვერ იყენებს უახლეს Android 11 და Android 12 სისტემებს, HarmonyOS-ის ბოლო ვერსია არის უბრალოდ 3 წლის წინ გამოსული Android 10, რომელსაც არააქვს Google-ის სერვისები.

საბოლოოდ: Huawei ამერიკის გარეშე ვერ ქმნის სისტემას, ვერ აწარმოებს ჩიფსეტებს, ვერ ნერგავს 5G ტექნოლოგიებს და მასთან დისტანციას იჭერენ ამერიკის მეგობარი ქვეყნები და კომპანიები, რომლისგანაც Huawei ყიდულობდა სმარტფონის შემადგენელ კომპონენტებს. მაგალითად, წელს ახალ ფლაგმან სმარტფონებზე Huawei P50 სერიაზე ვეღაღ გამოიყენა Sony-ს კამერები და ბიუჯეტური OmniVision-ის კამერები შემოგვთავაზა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *