Huawei P50 და P50 Pro: ამერიკული სანქციების შედეგი!

მოგეხსენებათ, რომ Huawei-მ უკვე გამოუშვა ფლაგმანური სმარტფონები P50 და P50 Pro. თუმცა მოდი ვნახოთ რამდენად ფლაგმანურებია ისინი.

დეტალურად რომ არ ჩავუღრმავდეთ ტექნიკურ მახასიათებლებს, შედარებისთვის Huawei-ს წინა თაობის ფლაგმანურ სმარტფონს მოვიყვან.

სამწუხაროდ P50 სერიაში აღარ გვხდება Sony-ს კამერები და წარმოდგენილია OmniVision-ის საშუალო და ბიუჯეტური კლასის კამერის სენსორები. წინა თაობის ფლაგმანებში თუ გვხდებოდა 1/1.28 დიუმის ზომის სენსორი Sony IMX700, ახლა გვხდება 1/1.55 დიუმის ზომის OV50A, რომელიც უფრო ბიუჯეტური სმარტფონებისთვის არის განკუთვნილი. გარდა კამერის სენსორის დაპატარავებისა, P50 სერიაზე აღარ გვხდება 10X ოპტიკურ-პერისკოპული ზუმი და ToF კამერები. ნამდვილად სამწუხარო ამბავია.

ასევე წინა პანელიდანაც ამოღებულია ToF კამერა და 32 მეგაპიქსელიანი კამერის ნაცვლად 13 მეგაპიქსელიანი გამოიყენეს.

ეკრანის ხარისხიც გაუარესდა. წინა მოდელში თუ ოთხივე მხარეს გადახრილი ჰქონდა ეკრანს კიდეები, ახლა ჩვეულებრივი Edge ეკრანი არის წარმოდგენილი, რომლის დამუშავება და აწყობა ბევრად ნაკლებ ხარჯებს საჭიროებს.

სამწუხაროდ ამერიკული სანქციების მიხედვით 5G-ს გამოყენების შესაძლებლობა ამ ეტაპზე Huawei-ს არააქვს. ჩინეთში P50 სერია გაიყიდება Kirin 9000 4G ჩიფსეტით, ხოლო გლობალურ ბაზარზე Snapdragon 888 4G-ის ჩიფსეტით.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *